अमित घोसाळे यांचे हृदयविकाराच्या झटक्याने निधन

शिंदेसेनेचे नेते व माजी जिल्हा परिषद अध्यक्ष जयसिंग उर्फ आबा घोसाळे यांचा मुलगा अमित जयसिंग घोसाळे (४५) यांचे सोमवार ७ जुलै रोजी हृदयविकाराच्या झटक्याने निधन झाले. मध्यरात्री १२.३० वाजण्याच्या सुमारास त्यांच्या छातीत कळ आली. त्यांना अस्वस्थ वाटू लागल्याने उपचारासाठी नेण्यापूर्वीच हृदयविकाराच्या तीव्र झटक्याने त्यांचे निधन झाले.त्यांच्या निधनाची बातमी कळताच मित्रपरिवारासह हळहळ व्यक्त होत आहे. त्यांचे वडील आबा घोसाळे यांचा शिवसेनेत दांडगा जनसंपर्क आहे. अमित घोसाळे हे कामानिमित्त दापोली येथे गेले होते. सोमवारी रात्री त्यांना अचानक अस्वस्थ वाटू लागले. त्यांना रुग्णालयात दाखल करण्यापूर्वीच त्यांना हृदय विकाराचा तीव्र झटका आला. अमित घोसाळे यांच्या पश्चात त्यांची पत्नी व एक मुलगा असा परिवार आहे