गणेशोत्सवात चालवण्यात येणार्‍या रेल्वेगाड्यांचे आरक्षण २३ जूनपासून खुले होणार.
यंदा २७ ऑगस्टपासून गणेशोत्सवाची धामधूम सुरू होणार आहे. कोकण मार्गावर गणेशोत्सवात चालवण्यात येणार्‍या रेल्वेगाड्यांचे आरक्षण ६० दिवस आधी म्हणजेच २३ जूनपासून खुले होणार असल्याने गणेशभक्त आतापासूनच कमालीचे सुखावले आहेत. नियमित रेल्वे गाड्यांसह गणपती स्पेशल गाड्यांची आरक्षित तिकिटे मिळविण्यासाठी चाकरमान्यांची तिकट मिळविण्यासाठी चाकरमान्यांची तिकिट खिडक्यांवर चढाओढ सुरू होणार आहे.शिमगोत्सवापाठोपाठ गणेशोत्सवातही चाकरमानी घरच्या गणरायाच्या दर्शनासाठी लाखोंच्या संख्येने कोकणात डेरेदाखल होतात.
कोकणात जाणार्‍या सर्वच गाड्यांचे बुकींग अवघ्या काही मिनिटातच फुल्ल होते. यापुढे आरक्षित तिकिटांसाठी तिकिट खिडक्यांवर तासनतास ताटकळत उभे राहूनही चाकरमान्यांचा हिरमोड होतो.यावर्षी २७ ऑगस्टपासून गणेशोत्सवाची धामधूम सुरू होणार आहे. गणेशोत्सवात कोकण मार्गावर नियमित रेल्वे गाड्यांव्यतिरिक्त चालवण्यात येणार्‍या गणपती स्पेशल गाड्यांची आरक्षित तिकिटांसाठी ऑनलाईनप्रमाणेच तिकिट खिडक्यांवरही गर्दी उसळणार आहे. आरक्षित तिकिटांवर दरवर्षी दलालच डल्ला मारतात. यामुळे दलालांना रोखण्यासाठी ठोस उपाययोजनांचा अवलंब करणे भाग पडणार आहे.www.konkantoday.com
