आर्थिक गणित बिघडलेल्या काजू बी उत्पादक शेतकर्‍यांना किलोला १० रुपये अनुदान.
आर्थिक गणित बिघडलेल्या काजू बी उत्पादक शेतकर्‍यांच्या मागणीची दखल घेवून शासनाने सकारात्मक भूमिका घेताना बीसाठी किलोमागे १० रुपये अनुदान देण्याचा निर्णय घेतला आहे. जिल्ह्यात सुमारे २७९ कोटी रुपयांचे अनुदान देण्याचे जाहीर केले आहे. या योजनेसाठी जिल्ह्यातून ४८५ शेतकर्‍यांचे प्रस्ताव येथील विभागीय काजू मंडळ कार्यालयाकडून वरिष्ठ कार्यालयाकडे पाठवण्यात येणार आहे.
उत्पादनक्षम काजूच्या झाडापासून प्रतिझाड सरासरी १० किलो काजू बीचे उत्पादन विचारात घेवून काजू बीसाठी प्रति किलो १० रु. याप्रमाणे किमान ५० किलो व कमाल २ हजार किलो या मर्यादेत अनुदान देण्याचा निर्णय घेण्यात आला आहे. पात्र लाभार्थी शेतकर्‍यांच्या बँक खात्यावर शासन अनुदानाची रक्कम राज्य काजू मंडळामार्फत जमा होणार आहे.www.konkantoday.com
