लाॅकडाऊन असूनही जिल्ह्यात काेराेनाचे वाढते रुग्ण ,आज आणखी ४० काेराेना बाधित रुग्ण जिल्ह्यात सापडले

राज्यात व देशात काेराेना रुग्णांची संख्या वाढत असतानाच रत्नागिरी जिल्ह्यात आठ दिवसांचे लॉक डाउन असताना देखील कोरोना रुग्णांची संख्या वाढत आहे. आज जिल्ह्यात तब्बल ४० नव्या कोरोना बाधित रुग्णांची नोंद झाली.यामध्ये रत्नागिरी जिल्हा काेव्हिड रुण्गालय येथील ८,कामथे उप जिल्हा रुग्णालय येथे १४,खेड कंळबणी उप जिल्हा रुग्णालय येथे १५,राजापूर येथे २, दापाेली १ असे रुग्ण सापडले आहेत.रत्नागिरी शहरातही कोरोनाने हातपाय पसरायला सुरुवात केली आहे.काल शासकीय रुग्णालयातील तीन कर्मचाऱ्यांचा कोरोना अहवाल पॉझिटिव्ह आला असतानाच शासकीय रुग्णालयातील आणखी तीन जणांचा अहवाल पॉझिटिव्ह आला आहे.त्यामुळे काेराेनासाठी लढणारे योद्धे कोरोना बाधित होत असल्याने चिंता वाढत चालली आहे. काल सापडलेल्या रुग्णांच्या संपर्कात आलेल्या तिघांचा देखील अहवाल पॉझिटिव्ह आले आहेत.याशिवाय शहराच्या वेगवेगळय़ा भागात काेराेनाचे रुग्ण आढळत आहेत.त्यामुळे आता एकूण पॉझिटिव्ह रुग्णांची संख्या ७५० ईतकी झाली आहे.तर अॅक्टिव पॉझिटिव्ह रुग्णांची संख्या २३८ आहे.
www.konkantoday.com