रोहा स्थानकात फलाटामध्ये अडकून तरूण गंभीर.

कोकण मार्गावर रोहा रेल्वे स्थानकात दिवा-सावंतवाडी गाडी आणि फलाट यांच्यामध्ये अडकून तरूण गंभीररित्या जखमी झाला. प्रेम प्रदीप कांबळे (रा. मसाळा-रायगड) असे तरूणाचे नाव आहे. त्याला उपचारसाठी तातडीने रोहा शासकीय रूग्णालयात दाखल करण्यात आले.दिवा-सावंतवाडी गाडीतून तो प्रवास करण्यासाठी रोहा स्थानकात आला होता. गाडी स्थानकात आल्यानंतर चढण्यासाठी पुढे सरसावला असता अंदाज न आल्याने पाय घसरून तो गाडी व फलाट यांच्यामध्ये अडकला. ही बाब रेल्वेच्या आपत्कालीन यंत्रणांना कळताच तातडीने घटनास्थळी पोहोचून बचावकार्य हाती घेतले. तरूणास बाहेर काढण्यात यश आले. www.konkantoday.com