शिवरायांच्या पुतळ्याची विटंबना होण्यास कारणीभूत असलेला शिल्पकार जयदीप आपटे याची बोटं छाटून आणणाऱ्याचा जाहीर सत्कार करू-सकल मराठा समाजाचे नेते अविनाश देशमुख.

छत्रपती शिवरायांच्या पुतळ्याची विटंबना होण्यास कारणीभूत असलेला शिल्पकार जयदीप आपटे याची बोटं छाटून आणणाऱ्याचा जाहीर सत्कार करू, अशी घोषणा बदलापूरमधील सकल मराठा समाजाने केली आहे. शिवरायांचा पुतळा कोसळल्याच्या घटनेचा बदलापूरमध्ये सकल मराठा समाजाने निषेध केला. त्यावेळी समाजाचे नेते अविनाश देशमुख यांनी आपली भावना व्यक्त केली. महाराष्ट्रात या घटनेनंतर शिवप्रेमींच्या भावना या तिव्र असल्याचे ते म्हणाले. निषेध करणे, मेणबत्ती लावणे आम्ही करणार नाही. आम्हाला आता कठोर धोरण घ्यावेच लागेल असे यावेळी सकल मराठा समाजाच्यावतीने सांगण्यात आले.छत्रपती शिवाजी महाराजांचा कमकुवत पुतळा तयार करून तो पडण्यास शिल्पकार जयदीप आपटे हाच जबाबदार असल्याचे सकल मराठा समाजाच्या नेत्यांनी म्हटलं आहे.सध्या तो फरार आहे. त्याची बोटं जो कोणी छाटून आणेल, त्याचा बदलापूरमध्ये जाहीर सत्कार करू अशी घोषणाच करण्यात आली आहे. शिवाय त्याच्या विरोधात देशद्रोहाचा गुन्हा दाखल करण्यात यावा अशी मागणीही त्यांनी केली. या प्रकरणी त्यांनी बदलापूर पूर्व पोलीस ठाण्याच्या वरिष्ठ पोलीस निरीक्षकांना निवेदनही दिले आहे