पाली-पाथरटमध्ये आढळला मृत बिबट्या

रत्नागिरी तालुक्यातील पाली-पाथरट धाडवेवाडी येथे गुरूवारी सकाळी बिबट्याने वृद्धेवर हल्ला करून तिला गंभीर जखमी केले होते. त्याच ठिकाणी अवघ्या काही अंतरावर शुक्रवारी मृत बिबट्या आढळला आहे.याबाबत घटनास्थळ व पाली परिमंडळ वनकार्यालयातून मिळालेल्या माहितीनुसार पाली पाथरट धाडवेवाडी येथे इंदिरा धाडवेंवर हल्ला केलेल्या ठिकाणापासून काही अंतरावर मृत बिबट्या आढळला. मृत बिबट्या मादी जातीचा असून त्याचे अंदाजित वय दीड वर्ष आहे. बिबट्याचे सर्व अवयव शाबित होते. बिबट्याचा ४ ते ५ दिवसांपूर्वी आजारपणामुळे मृत्यू झाला असावा, असे सांगण्यात आले. त्याच्या शरीराचा काही भाग कुजला होता. www.konkantoday.com