चिपळूण बसस्थानकातून दोन लाखांचे मंगळसूत्र लंपास

चिपळूण मध्यवर्ती बसस्थानकात दागिने चोरीचे सत्र सुरूच आहे. काही दिवसांपूर्वी एसटीनेप्रवास करणार्‍या महिलेचे तब्बल २ लाख किंमतीचे ४ तोळ्याचे मंगळसूत्र चोरट्याने  लंपास केले. या प्रकरणी चिपळूण पोलिसांत अज्ञातावर गुन्हा दाखल केला असून संशयिताचा शोध सुरू आहे. दरम्यान बसस्थानकात सातत्याने होत असलेल्या दागिने चोरीच्या घटनेमुळे महिला प्रवाशांमध्ये भीतीचे वातावरण पसरले आहे.१४ ऑगस्ट रोजी दुपारी ही महिला शहरातील मध्यवर्ती बसस्थानकात एसटीची वाट पहात होती. त्यावेळी प्रवाशांच्या झालेल्या गर्दीचा फायदा घेत चोरट्याने त्या महिलेच्या पर्समधून २ लाख किंमतीचे मंगळसूत्र चोरून नेले. हा प्रकार त्या महिलेच्या लक्षात आल्यानंतर त्यांनी दिलेल्या फिर्यादीनुसार, गुरूवारी गुन्हा दाखल केला. दरम्यान, शहरातील मध्यवर्ती बसस्थानकातून महिला प्रवाशांच्या दागिने चोरीचे प्रमाण वाढले असून यापूर्वीही अशा बर्‍याच चोरीच्या घटना घडल्या आहेत. www.konkantoday.com