मुंबई – गोवा महामार्गावरून प्रवास करणाऱ्या प्रवाशांसाठी महत्वाची सूचना,मुंबई-गोवा महामार्गावर आज आणि उद्या मेगाब्लॉक
मुंबई – गोवा महामार्गावरून प्रवास करणाऱ्या प्रवाशांसाठी महत्वाची सूचना आहे. मुंबई-गोवा महामार्गावर पुन्हा आज आणि उद्या असा दोन दिवस दुपारी बारा ते सायंकाळी चार पर्यंत मेगाब्लॉक घेण्यात येणार आहे महामार्गावरील कोलाडजवळ पुईं येथील म्हैसदरा पुलावरील लोखंडी गर्डर बसविण्याकरिता महामार्ग आज १८ जुलै (गुरुवारी) आणि शुक्रवारी १९ जुलै असा दुपारी बारा ते चार या वेळेत एकूण चार तास बंद राहणार आहे. यासाठी पुढील दोन दिवस या मार्गावरील वाहतूक बंद ठेवण्यात येणार आहे. या कालावधित प्रवाशांनी पर्यायी मार्गाचा अवलंब करावा, असे अवाहन प्रशासनाने केले आहे. मुंबईहून कोकणाकडे पाली माणगावमार्गे जावे लागणार आहे. मेगाब्लॉक कालावधीत पर्यायी वाहतुकीसाठी कोकणाकडून मुंबईकडे यायचं असल्यास माणगाव-निजामपूर-पाली-खोपोली, रोहा नागोठाणे असा प्रवास करावा लागणार आहे. तर मुंबईकडून गोव्याकडे यायचं झाल्यास वाकण पाली-निजामपूर-माणगावमार्गे प्रवास करावा लागणार आहे.
