रत्नागिरी जिल्ह्यातील प्राथमिक आरोग्य केंद्रामधील कंत्राटी रूग्णवाहिका चालक गेले दोन महिने वेतनाविना

रत्नागिरी जिल्ह्यातील प्राथमिक आरोग्य केंद्रामधील कंत्राटी रूग्णवाहिका चालक गेले दोन महिने वेतनाविना आहेत. यापैकी मार्च महिन्यातील केवळ १५ दिवसांचेच वेतन ठेकेदाराने मोजक्याच चालकांना दिले आहे. अजून एप्रिल महिन्याचे वेतन दिलेले नसल्याने चालकांनी संताप व्यक्त केला आहे. जिल्ह्यातील प्राथमिक आरोग्य केंद्रांमध्यये १०२ रूग्णवाहिका गेली १९ वर्षे अहोरात्र २४ तास विनाअपघात सेवा देत आहेत. त्यांचे मार्च ते एप्रिल असे गेले २ महिने मानधन रखडले आहे. मात्र यामुळे रात्रंदिवस रूग्णवाहिकेवर सेवा बजाविणार्‍या चालकांना याचा मोठा आर्थिक त्रास सहन करावा लागत आहे. शासनाकडून येणारे अनुदान कधी वेळेत येत नाही. मात्र ते आले की, आरोग्य विभाग ठेकेदाराला वर्ग करते. तत्पूर्वी ठेकेदाराने स्वतःच्या खिशातून वेतनाची रक्कम रूग्णवाहिका चालकांना देणे बंधनकारक असल्याचा नियम आहे. मात्र काही ठेकेदारांकडून तसे होत नाही. रत्नागिरी जिल्ह्यातील वाहन चालकांचा ठेका १३ मार्च २०२४ पासून पुणे येथील एका कंपनीला देण्यात आला आहे. या कंपनीच्या ठेकेदाराने मार्च व एप्रिल महिन्याचे वेतन न दिल्याने काही दिवसांपूर्वी रूग्णवाहिका चालकांनी कामबंद आंदालनाचा इशारा दिला होता. त्यामुळे ठेकेदाराने मार्च महिन्याचे शिल्लक वेतनाचे वेतन काही चालकांना दिले असून काही अजून प्रतिक्षेत आहेत. www.konkantoday.com