सिंधुदुर्ग जिल्ह्यातील देवगड तळवडे झाजमतर खाडीत पोहायला गेलेल्या तरुणाचा बुडून मृत्यू

सिंधुदुर्ग जिल्ह्यातील देवगड तळवडे झाजमतर खाडीत पोहायला गेलेल्या तरुणाचा बुडून मृत्यू झाला. ही घटना गुरुवारी (दि.१०) दुपारी ४.३० ते रात्री १२.३० च्या दरम्यान घडली. जयदीप पांडुरंग घाडी (वय २३, रा.तळवडे, घाडीवाडी) असे बुडून मृत्यू झालेल्या तरुणाचे नाव आहे.पोलिसांनी दिलेल्या माहितीनुसार, जयदीप आपल्या चार मित्रांसोबत गुरुवारी दुपारी ४.३० च्या सुमारास तळवडे झाजमतर खाडीतून वाणीवडे येथे पोहत जात होते. पोहताना पाण्याचा अंदाज न आल्याने दोघेजण बुडू लागले. बुडताना त्यांनी आरडाओरड केल्यामुळे खाडीकिनारी मच्छीमार करण्यासाठी आलेल्या ग्रामस्थांनी बोटीच्या सहाय्याने यांना वाचविण्याचा प्रयत्न केला. यातील एकाला वाचविण्यात यश आले. मात्र, जयदीप हा सापडला नसल्याने त्याचा शोध घेतला जात होता. रात्री साडेबाराच्या सुमारास झाजमतर किनाऱ्यालगत त्याचा मृतदेह तरंगताना आढळून आला.www.konkantoday.com