मनोरथपूर्ती महापदयात्रा श्री क्षेत्र गावखडी ते श्री क्षेत्र अक्कलकोट

प्रति वर्षाप्रमाणे मनोरथपूर्ती महापदयात्रेला देवदिवाळीच्या शुभ मुहूर्तावर बुधवार दिनांक २७ नोव्हेंबर रोजी श्री स्वामी समर्थ मठ गांवखडी येथून प्रारंभ होणार असून ही पदयात्रा १४ डिसेंबर रोजी अक्कलकोट येथे दाखल होणार आहे.
प्रतिवर्षाप्रमाणे यावर्षीही श्री स्वामी समर्थ मठ गावखडी यांच्यावतीने मनोरथपूर्ती पदयात्रेचे आयोजन करण्यात आले आहे.बुधवारी २७ नोव्हेंबर रोजी सायंकाळी ४ वाजता गावखडी मठ येथून पदयात्रेला सुरुवात होईल.
पदयात्रेचे हे १४ वे वर्ष असून असंख्य भक्तगण पदयात्रेमध्ये सहभागी होत असतात . महाराष्ट्राच्या विविध भागातून तसेच आंध्रप्रदेश आणि कर्नाटक राज्यातील ही भक्तगण पदयात्रेमध्ये सहभागी होत असतात . पदयात्रेमध्ये प्रवेश विनामूल्य आहे . श्री स्वामी समर्थ नामाचा प्रचार – प्रसार व्हावा आणि भक्तगणांच्या जीवनात सौख्य नांदावे हा पदयात्रेचा मुख्य उद्देश आहे . सद्गुरु श्री दासदिगम्बर स्वामींच्या मार्गदर्शनाखाली संपन्न होणारी मनोरथपूर्ती महापदयात्रा अक्कलकोट मध्ये प्रवेश करणारी सर्वात मोठी पदयात्रा म्हणून ओळखली जाते.
अत्यंत शिस्तबद्ध रितीने मार्गक्रमण करणारी पदयात्रा म्हणून ह्या पदयात्रेचा लौकिक आहे . तरी सर्वांनी ह्या पदयात्रेमध्ये सहभागी होऊन आपले मनोरथ सफल करुन घ्यावे असे आवाहन गावखडी मठाच्या वतीने करण्यात आले आहे .
www.konkantoday.com