*उक्षी ग्रामपंचायत क्षेत्रात मतदानासाठी गुरुवारी सुट्टी**

*रत्नागिरी, दि. 14 (जिमाका) : जिल्ह्यातील रत्नागिरी तालुक्यातील उक्षी ग्रामपंचायतीच्या रिक्त झालेल्या पदाच्या पोटनिवडणुकीसाठी उद्या 15 फेब्रुवारी रोजी मतदान होत आहे. या दिवशी तेथील मतदारांना मतदानाचा हक्क बजावता यावा, यासाठी ग्रामपंचायत क्षेत्रात 15 फेब्रुवारी या मतदानाच्या दिवशी सुट्टी जाहीर केल्याचे आदेश जिल्हाधिकारी एम देवेंदर सिंह यांनी दिले आहेत.* रत्नागिरी तालुक्यातील उक्षी ग्रामपंचायतींच्या रिक्त झालेल्या पदांच्या पोटनिवडणुकांसाठी निवडणुकीचा कार्यक्रम जाहीर झालू असून, निवडणूक कार्यक्रमानुसार मतदानाचा दिवस (दि. 15 फेब्रुवारी रोजी सकाळी 7.30 वा. पासून ते सायंकाळी 5.30 वाजेपर्यंत) हा कार्यालयीन कामाचा दिवस असल्याने ग्रामपंचायतींच्या निवडणुका जेथे आहेत तेथील मतदारांना मतदानाचा हक्क बजावता यावा यासाठी जिल्हाधिकारी श्री. सिंह यांनी रत्नागिरी तालुक्यात ग्रामपंचायत उक्षी येथे पोट निवडणुकीचा कार्यक्रम लागू असलेल्या ग्रामपंचायत क्षेत्रात मतदानाच्या दिवशी सुट्टी जाहीर केल्याचे आदेश दिले आहेत.000