*कोकण विभागीय रोजगार मेळावा २४ व २५ फेब्रुवारीला ठाण्यात**”नमो महारोजगार” मेळाव्यासाठी www.mahaswayam.gov.in वर नोंदणी करा*

*रत्नागिरी, दि. 6 :, कौशल्य, रोजगार, उद्योजकता व नाविन्यता विभागाच्यावतीन ठाणे जिल्ह्यामध्ये दिनांक २४ व २५ फेब्रुवारी “नमो महारोजगार” कोकण विभागीय मेळाव्याचे आयोजन आयलँड ग्राऊंड, ढोकाळी, माजीवाडा, ठाणे (पश्चिम) येथे करण्यात आले आहे. त्याची नोंदणी कौशल्य, रोजगार, उद्योजकता व नाविन्यता विभागाच्या www.mahaswayam.gov.in पोर्टलवर करावी.* या रोजगार मेळाव्यामध्ये राज्यातील विविध औद्योगिक आस्थापना व उद्योजक हे सहभागी होणार असल्याने जिल्ह्यातील सर्व उमेदवारांनी रोजगार संधीचा लाभ घेण्यासाठी नोंदणीकृत असलेल्या सर्व उमेदवारांनी त्यांचे प्रोफाईल अद्ययावत करावे. रोजगार मेळाव्याच्या दिवशी मुलाखतीकरिता त्यांचा बायोडाटा व इतर आवश्यक शैक्षणिक कागदपत्रांच्या प्रतींसह प्रत्यक्ष उपस्थित राहावे. रोजगार मेळाव्यामध्ये सहभागी होण्यासाठी आपली नोंदणी नसल्यास जिल्हा कौशल्य विकास, रोजगार व उद्योजकता मार्गदर्शन केंद्र, रत्नागिरी त्वरित संपर्क साधून नोंदणी करावी व रोजगार मेळाव्यात सहभागी होऊन रोजगार संधीचा लाभ घ्यावा. अधिक माहितीकरिता ०२३५२-२२१४७८/२९९३८५/९०७५६०२२८३ या क्रमांकावर संपर्क साधावा, असे आवाहन जिल्हाधिकारी एम देवेंदर सिंह यांनी केले आहे.www.konkantoday.com