संगमेश्वरचे प्रथितयश डॉक्टर वसंत श्रीनिवास मुळ्ये यांचे वृध्दापकाळाने निधन

संगमेश्वर येथील जुन्या काळातील प्रथीतयश डॉक्टर वसंत श्रीनिवास मुळ्ये ( ९२ ) यांचे २९ सप्टेंबर रोजी पहाटे संगमेश्वर येथील निवासस्थानी निधन झाले . गेले काही दिवस ते वृध्दापकाळामुळे आजारी होते .
संगमेश्वरसह नायरी आणि संगमेश्वर परिसरातील गावांमध्ये डॉक्टर वसंत श्रीनिवास मुळ्ये यांनी जवळपास ६० वर्षांपेक्षा अधिककाळ वैद्यकीय सेवा दिली . ग्रामीण भागातून असंख्य रुग्ण त्यांच्याकडे उपचारासाठी येत असत .
संगमेश्वर येथील प्राथमिक आरोग्य केंद्र आणि ग्रामीण रुग्णालय येथेही त्यांनी १९५३ साली वैद्यकीय अधिकारी म्हणून सेवा दिली होती . संगमेश्वर बाजारपेठत त्यांनी अनेक वर्षे दवाखाना चालवला .
तसेच संगमेश्वर येथेच धन्वंतरी या नावाने हॉस्पिटलही सुरु केले . पुढे महामार्गावरील हॉस्पिटल जवळचा बसथांबा ‘ मुळ्ये स्टॉप ‘ याच नावाने ओळखला जावू लागला .
आध्यात्मिक , कमालीचे अभ्यासू , वाचनाची जबरदस्त आवड , स्पष्ट वक्ते , रोगाचे अचूक परीक्षण अशी अनेक वैशिष्ट्ये त्यांच्या मध्ये दडलेली होती .
डॉक्टर वसंत श्रीनिवास मुळ्ये ( ९२ ) हे गेले काही दिवस वृध्दापकाळाने आजारी होते . गेले दोन दिवस त्यांची प्रकृती अधिक खालावली आणि आज पहाटे २ : ३० च्या दरम्याने त्यांचे निधन झाले .
डॉक्टर वसंत श्रीनिवास यांचे मूळ गाव उजगाव येथील खोत म्हणून त्यांच्यावर गावची जबाबदारी होती .
त्यांच्या निधनाचे वृत्त समजताच उजगावसह संगमेश्वर परिसरातील असंख्य मंडळी , विविध क्षेत्रातील मान्यवर त्यांच्या निवासस्थानी दाखल झाले . डॉक्टर वसंत मुळ्ये यांच्यावर माभळे येथील स्मशानभूमीत आज सकाळी ११ वाजता अंत्यसंस्कार करण्यात आले .
त्यांच्या पश्चात निसर्गोपचार तज्ञ पत्नी सुमित्रा , तीन मुलगे , दोन मुली , सुन , नातवंडे असा मोठा परिवार आहे .
www.konkantoday.com