खेडमध्ये ३२ गावातून पोलीस पाटील पदासाठी एकही अर्ज नाही

खेड तालुक्यात रिक्त असलेल्या १०२ पोलीस पाटील पदांसाठी अर्ज मागवण्यात आले असता ७० गावातील उमेदवारांनीच अर्ज सादर केले. ३२ गावात पोलीस पाटील पदांसाठी एकही अर्ज प्राप्त न झाल्याने प्रांताधिकारी राजश्री मोरे यांनी अर्ज भरण्यास २५ सप्टेंबरपर्यंत मुदतवाढ दिली आहे.
तालुक्यात १०२ पोलीस पाटील पदांसह ८ कोतवालांच्या रिक्त पदांसाठी आरक्षण सोडत काढून अर्ज मागवले होते. त्यानुसार केवळ ७० गावातील उमेदवारांनी अर्ज सादर केले. उर्वरित ३२ गावातील पोलीस पाटील पदांच्या भरतीसाठी ७ सप्टेंबरपासून अर्ज भरण्यास २० सप्टेंबरपर्यंत मुदतवाढ देण्यात आली होती. मात्र या कालावधीतही ३२ गावातील एकाही उमेदवाराने अर्ज सादर केलेला नाही.
www.konkantoday.com