किरण सामंत लोकसभा निवडणुकीला उभे राहिले तर साडेतीन लाख मतांनी निवडून आणू- उदय सामंत

रत्नागिरी, सिंधुदुर्ग लोकसभा मतदारसंघाबद्दल बोलताना मंत्री उदय सामंत यांनी सूचक वक्तव्य केलं आहे.सिंधुदुर्ग, रत्नागिरी लोकसभा मतदार संघातून संभाव्य उमेदवार म्हणून किरण सामंत यांच्याकडे पाहिलं जात आहे. याबाबत उदय सामंत यांना विचारले असता त्यांनी सूचक वक्तव्य केलं आहे.
किरण सामंत हे माझे सख्खे भाऊ आहेत. मात्र त्यांनी काय निर्णय घ्यायचा हा त्यांचा अधिकार आहे. पण ते निवडणुकीला उभे राहिले तर त्यांना तीन ते साडेतीन लाख मतांनी निवडून आणू, असं वक्तव्य उदय सामंत यांनी केलं आहे. त्यामुळे आता किरण सामंत यांना शिवसेनेकडून उमेदवारी मिळणार का हे पहाणं महत्त्वाचं ठरणार आहे. शिवसेनेकडून किरण सामंत यांना लोकसभेची उमेदवारी मिळण्याची शक्यता आहे, अशी चर्चा सध्या रत्नागिरीच्या राजकीय वर्तुळात सुरू आहे. यावर आता उदय सामंत यांनी देखील सूचक वक्तव्य केलं आहे.
www.konkantoday.com