जयगड आंग्रेपोर्ट येथे आढळला अनोळखी तरुणाचा मृतदेह

रत्नागिरी : जयगड आंग्रेपोर्ट येथे अनोळखी तरुणाचा मृतदेह रविवारी सकाळी 8.40 वा. आढळून आला. याबाबत जयगड पोलिस ठाण्यात आकस्मिक मृत्यूची नोंद करण्यात आली आहे. याप्रकरणी तेथील सुपरवायजर प्रवीण तिवारी यांनी जयगड पोलिस ठाण्यात खबर दिली. पाण्यात एका तरुणाचा मृतदेह पाण्यावर तरंगताना दिसून आला. त्यांनी याची माहिती जयगड पोलिसांना दिली. या मृतदेहाचा पंचनामा करण्यात आला. हा तरूण अंदाजे 35 ते 40 वर्षांचा असून अंगात काळा फूल शर्ट आणि निळ्या रंगाची बर्मुडा परिधान केलेला आहे. अधिक तपास पोलिस हेड काँस्टेबल गावित करत आहेत.