काँग्रेसच्या जिल्हा उपाध्यक्षपदी गुलजार कुरवले
रत्नागिरी : रत्नागिरी जिल्हा काँग्रेस कमिटीची नूतन कार्यकारिणी नुकतीच जाहीर करण्यात आली. शिरळ ग्रा. पं. सदस्य गुलजार कुरवले यांची रत्नागिरी जिल्हा काँग्रेस कमिटीच्या उपाध्यक्षपदी निवड करण्यात आली आहे. जिल्हाध्यक्ष अविनाश लाड आणि तालुकाध्यक्ष प्रशांत यादव यांच्या नेतृत्वाखाली केली जाणारी विविध आंदोलने, राबवले जाणारे विविध कार्यक्रम, डिजिटल सदस्य नोंदणी मोहीम आदी उपक्रमांमध्ये गुलजार कुरवले यांचा सातत्याने पुढाकार असतो. याच कामाची दखल घेऊन त्यांची निवड करण्यात आली.
