आंजर्ले किनारी बोट बुडाली;सुदैवाने खलाशी बचावले

पावसाळी वातावरण व समुद्र खवळला असल्याने मच्छीमारी करणे धोक्याचे झाले आहे आज सकाळी मिरकरवाडा बंदरात एक मच्छीमारी बोट बुडाल्याची घटना घडली असतानाच आता दापोली आंजर्ले येथेही मच्छिमार बोट बुडाल्याची घटना घडली आहे                                दापोली तालुक्यात आंजर्ले समुद्रात मच्छीमार वासुदेव वाशा दोरकुळकर यांची बोट क्रमांक- ७२४ सिद्धिसागर नावाची दोन सिलेंडरची बोट बुडाली आहे. सर्व खलाशी सुखरूप असुन दोन जण पोहून आले आहेत म्हणून ते सुदैवाने बचावले आहेत,तर दोन खलाशी दुसऱ्या बोटीने वाचवले आहेत. दरम्यान दापोली तालुक्यात गेले तासभर मुसळ धार पावसाने जोर धरलाआहे.                            अजुन एक बोट किनाऱ्यावर लागली आहे ती बोट बुडण्याचा धोका होता मात्र ही बोट वाचवण्यात यश आले आहे. प्रकाश दोरकूळकर यांची बोट दुसऱ्या बोटीच्या मदतीसाठी गेली होती,इंजिन बंद पडल्याने ही बोट बुडणार होती,किनाऱ्याजवळ असल्याने यातील खलाशांनी उड्या टाकुन जवळच किनारा गाठला. दरम्यान या बोटीलाही वाचवण्यात यश आले. सलग तिसऱ्या वर्षी हा प्रकार या परिसरात घडला आहे.
www.konkantoday.com