राजापूर एसटी आगाराच्या वतीने आंबोळगड – नाटे – धाऊलवल्ली -कोल्हापूर बस सुरू !

एसटी महामंडळाच्या राजापूर आगाराच्या वतीने गुरूवार दि. ८ जुलैपासून सकाळी सात वाजता सुटणारी आंबोळगड कोल्हापूर ही बस सुरू करण्यात येणार आहे. आंबोळगड येथून सुटणारी ही बस नाटे, धाऊलवल्ली, राजापूर, पाचल, अणुस्कुरामार्गे कोल्हापूरला पोहोचणार असून दुपारी एक वाजता याच मार्गावरून परतीच्या प्रवासाला निघणार आहे. या बससाठी आगाऊ आरक्षणाची सुविधा उपलब्ध करून देण्यात आली आहे. प्रवाशांनी या फेरीचा लाभ घेण्याचे आवाहन आगारप्रमुख राजेश पाथरे यांनी केले आहे.
सदरच्या बस सेवेसाठी नाटे येथील सामाजिक कार्यकर्ते व व्यवसायिक श्री संदेश पाथरे यांनी राजापूर एसटी आगाराशी संपर्क करून ही सेवा सुरू केल्याचे समजते. शुभारंभ दिनी एसटी महामंडळाचे आभार व्यक्त करण्यासाठी व एसटी कर्मचाऱ्यांना शुभेच्छा देण्यासाठी आंबोळगड, नाटे, धाऊलवल्ली या गावांमधील अनेक ग्रामस्थ व सामाजिक कार्यकर्ते सकाळी उपस्थित होते. नाटे आणि परिसरातील व्यापाऱ्यांना या बस सेवेचा मोठ्या प्रमाणात फायदा होणार असल्याचे नाटे व्यापारी संघटनेचे अध्यक्ष श्री रमेश लांजेकर यांनी सांगितले.
www.konkantoday.com