नवरात्र उत्सवाकरीता रत्नागिरी पोलीसांकडून नागरिकांना आवाहन

0
23

राज्यात कोरोना विषाणुची साथ चालु आहे त्याच बरोबर अनलॉकची प्रक्रिया देखील मोठया प्रमाणात सुरू आहे. त्या अनुषंगाने दिनांक १७/१०/२०२० रोजी पासून सुरु होणाऱ्या नवरात्र उत्सवाकरीता रत्नागिरी जिल्हयातील नागरिकांकरीता पोलीस अधीक्षक यांनी आवाहन केले आहे.

नवरात्र उत्सवामध्ये शासनाने दिलेल्या मार्गदर्शक सुचनांचे पालन करावे. देवीच्या मुर्तीची उंची सार्वजनिक मंडळाकरीता ४ फुट व घरगुती देवीच्या मुर्तीची उंची २ फुटांची असावी. तसेच या उत्सवामध्ये गरबा, दांडिया व इतर सांस्कृतिक कार्यक्रम आयोजित करू नयेत. त्याऐवजी आरोग्य विषयक उपक्रम/शिबीरे (उदा. रक्तदान, आरोग्य तपासणी) आयोजित करावे.)

देवीच्या मंडपामध्ये प्रत्यक्ष येवून दर्शन घेवु इच्छीणाऱ्या भाविकांसाठी कोविड -१९ च्या अनुषंगाने सुचना फलक लावावे. उदा. शारिरीक अंतर ठेवणे, मास्कचा वापर व सॅनिटायझरचा वापर करावा. लहान मुले आणि वरिष्ठ नागरिकांनी सुरक्षेच्या दृष्टीने विसर्जनस्थळी व गर्दीच्या ठिकाणी जाणे टाळावे. सर्व नागरिकांनी या उत्सवात कोरोना विषाणुच्या अनुषंगाने आपली व आपल्या कुटुंबाची योग्य ती काळजी घेवून श्रध्देसोबतच सुरक्षिततेकडे लक्ष देवून उत्सव साजरा करावा.
कोविड – १९ विषाणुच्या अनुषंगाने वरिल दिलेल्या सुचनांचे काटेकोरपणे पालन करुन दिनांक १७/१०/२०२० रोजी पासून सुरू होणारा नवरात्र उत्सव शांततेत पार पाडावा असे आवाहन रत्नागिरी जिल्हा पोलीस अधीक्षक डॉ. मोहित कुमार गर्ग यांनी करून सर्व नागरिकांना नवरात्री उत्सवाकरीता शुभेच्छा दिलेल्या आहेत.
www.konkantoday.com

LEAVE A REPLY

Please enter your comment!
Please enter your name here