दैनिक रत्नभूमी जर्नालिजम कॉलेजचा विद्यार्थी राज्यात प्रथम,अभिजीत जाधवचा विद्यापीठाकडून पारितोषिक देऊन सन्मान

रत्नागिरी, दि. १९ : यशवंतराव चव्हाण महाराष्ट्र मुक्त विद्यापीठ, नाशिकचे अधिकृत अभ्यासकेंद्र दैनिक रत्नभूमी जर्नालिजम कॉलेज, रत्नागिरी सेंटरचा पत्रकारिता पदविका अभ्यासक्रमाचा विद्यार्थी अभिजीत दिलीप जाधव (रत्नागिरी) हा राज्यात प्रथम आला आहे.
मुक्तविद्यापीठाचा पत्रकारिता पदविका (diploma in Journalism) या अभ्यासक्रमाची परीक्षा 2020 रोजी पार पडली होती. दरम्यान मुक्तविद्यापीठाचा 26 वा दीक्षांत समारंभ दि. 2 मार्च 2021 रोजी ऑनलाईन पद्धतीने पार पडला होता. यामधे राज्यात प्रथम आलेल्या विद्यार्थ्यांना गौरविण्यात आले होते. त्यांना प्राप्त पारितोषिके आणि प्रमाणपत्रे घरपोच देण्यात आली आहेत.
पत्रकारिता पदवीकेत अभिजीत जाधव राज्यात प्रथम आल्याने त्यांना दादासाहेब पोतनीस पारितोषिक, पदवी प्रमाणपत्र आणि धनाकर्ष देऊन गौरण्यात आले आहे.
अभिजीत जाधव यांच्या यशाबद्दल दैनिक रत्नभूमी जर्नालिजम कॉलेजच्या प्रमुख श्रीमती धनश्री धनंजय पालांडे व सेंटरचे केंद्रसंयोजक अंकुश अशोक कदम यांनी अभिनंदन केले आहे.
www.konkantoday.com