रिचार्जचे पैसे परत मागण्याचा मोह नडला,चिपळूण येथील महिलेची ऑनलाइन एक लाखांची फसवणूक

एअरटेलचे तुमचे रिचार्ज न झाल्याचे पैसे परत करतो असे सांगून चिपळुणातील राहणाऱ्या वैशाली अंकुश काटकर यांच्या एटीएम कार्डचे डिटेल घेऊन त्यांच्या खात्यातून ९९,९९५ रुपयाची रक्कम ऑनलाइन काढून घेऊन त्यांची फसवणूक केल्याचा प्रकार घडला आहे
चिपळूण शहरातील काविळतळी भागात राहणाऱ्या वैशाली अंकुश काटकर या घरी असताना त्यांना त्यांच्या मोबाईलवर राहुल शर्मा नाव सांगणार्या इसमाचा फोन आला आपण एअरटेल कंपनीतून बोलत असून एअरटेल कंपनीबाबत आपली काही तक्रार असल्यास सांगावी असे सांगितले त्यावेळी फिर्यादी वैशाली यांनी आपला एअरटेलचा रिचार्ज झाला नसल्याचे सांगितले समोरच्या व्यक्तीने तुमचे रिचार्ज न झाल्याने पैसे परत करतो असे सांगून त्यांच्याकडून बँकेच्या एटीएम कार्डचे डिटेल मागून घेतले व त्यांच्या खात्यातील ९९,९९५एवढी रक्कम ऑनलाइन काढून घेऊन त्यांची फसवणूक केली आपली फसवणूक झाल्याचे लक्षात आल्यावर फिर्यादी काटकर यांनी चिपळूण पोलीस स्थानकात फसवणुकीची तक्रार दाखल केली आहे
www.konkantoday.com