मुंबई- गोवा महामार्गावरील तुरळ येथे हुंडाई असेंट व बोलेरो अपघात ,दोन्ही वाहनांचे नुकसान

मुंबई- गोवा महामार्गावरील तुरळ येथे हुंडाई असेंट गाडीने चुकीच्या बाजुने जावून बोलेरो गाडीला धडक दिल्याने सोमवारी सकाळी अपघात घडला. अपघातात दोन्ही वाहन चालक जखमी झाले असून दोन्ही वाहनांचे मोठ्या प्रमाणावर नुकसान झाले आहे.
याबाबत बोलेरो चालक शंभु भिकाजी प्रभु यांनी अपघाताची खबर दिली आहे. श्री. प्रभु हे आपल्या ताब्यातील बोलेरो मध्ये आंबा पेट्या भरून पावसहून मुंबईकडे निघाले होते. हुडाई असेंट गाडी मुंबईहून राजापुरच्या दिशेने येत होती यामध्ये अन्य तीन प्रवासी होते. असेंट वाहन चालकाचे नियंत्रण सुटल्याने चुकीच्या बाजूने जावून बोलेरो वाहनाला धडक दिल्याची माहिती पोलीस सुत्रांनी दिली आहे.
हा अपघात सकाळी तुरळ गणपती मंदिर नजीक घडला.
www.konkantoday.com