रेड झोनमधून लोकांना आमच्या जिल्ह्यात सोडू नका असा विरोधाचा सूर उमटल्यानंतर निर्णय बदलला-अनिल परब

कोरोनाचा फ़ैलाव रोखण्यासाठी सध्या तरी आंतरजिल्हा एसटी वाहतूक बंद रहाणार असल्याची माहिती परिवहनमंत्री अनिल परब यांनी दिली आहे. ही वाहतूक टप्प्याटप्याने सुरु करण्यात येणार आहे. रेड झोनमधून लोकांना आमच्या जिल्ह्यात सोडू नका असा विरोधाचा सूर उमटल्यानंतर हा निर्णय घ्यावा लागल्याचे परब म्हणाले.मुख्यमंत्री उद्धव ठाकरे यांच्यासोबत यासंदर्भात चर्चा करण्यात येणार आहे. सुरुवातील ग्रीन झोन संदर्भातील विचार होणार असून रेड झोन संदर्भात सध्या विचार नसल्याचे ते म्हणाले.रेड झोनमधून लोकांना आमच्या जिल्ह्यात सोडू नका असा विरोध झाला. मुंबईतून कोरोना आमच्या गावात येईल यासाठी विरोध झाला. त्यामुळे निर्णय बदलल्याचे परब यावेळी म्हणाले. गावकऱ्यांचा विरोध झाल्यास संबधित जिल्ह्यात कायदा सुव्यवस्थेचा प्रश्न निर्माण झाला असता. त्यामुळे एसटी वाहतूक टप्प्याटप्याने सुरू करण्याबाबत आम्ही निर्णय घेऊ अशी माहिती त्यांनी दिली. यासदंर्भात आंतरजिल्हा बाबत बैठक होणार आहे.
www.konkantoday.com