लॉकडाऊन कालावधी वाढवायचा अथवा नाही याबाबतचा निर्णय आज हाेणार?

देशात लॉकडाऊनची मुदत ही १४ एप्रिलपर्यंत देण्यात आली आहे. सध्या झपाट्याने वाढणारी रुग्णसंख्या आणि मृतांचा आकडा पाहिल्यानंतर हा कालावधी वाढवण्यात यावा अशी मागणी काही राज्यांच्या मुख्यमंत्र्यांनी केली आहे. हा कालावधी वाढवायचा अथवा नाही याबाबतचा निर्णय अजून झालेला नाहीये. आज शनिवारी म्हणजेच ११ एप्रिल रोजी पंतप्रधान नरेंद्र मोदी हे सर्व राज्याच्या मुख्यमंत्र्यांसोबत व्हि़डीओ कॉन्फरन्सिंगद्वारे एक बैठक घेणार आहेत. या बैठकीमध्ये ते सर्व मुख्यमंत्र्यांकडून कालावधी वाढवण्याबाबत त्यांचे मते जाणून घेणार आहेत. या बैठकीनंतर हा कालावधी वाढवण्याबाबतचा निर्णय घेतला जाण्याची शक्यता आहे.
www.konkantoday.com