आभार मेळाव्यासाठी उपमुख्यमंत्री एकनाथ शिंदे पंधरा तारखेला रत्नागिरीत.

राज्याचे उप मुख्यमंत्री एकनाथ शिंदे हे जिल्हा दौऱ्यावर येत असून त्यांच्या प्रमुख उपस्थितीत रत्नागिरीत शिवसेनेतर्फे आभार मेळाव्याचे आयोजन करण्यात आले आहे. निवडणुकीनंतर त्यांची ही आभार यात्रा आहे.या दौर्याचे नियोजन उद्योग मंत्री तथा रत्नागिरीचे पालकमंत्री उदय सामंत यांनी केले आहे. रत्नागिरीतील चंपक मैदान येथे हा कार्यक्रम होणार आहे. मात्र या मेळाव्यात रत्नागिरी जिल्ह्यातील उद्धव बाळासाहेब ठाकरे गटातील माजी आमदार व पदाधिकारी शिंदे शिवसेनेत प्रवेश करून पालकमंत्री उदय सामंत उबाठाला मोठा दणका देण्याच्या तयारीत आहेतजनतेने शिवसेनेचे विधानसभा निवडणुकीला उमेदवार निवडून दिले या बद्दल मतदारांचे आभार मानाण्यासाठी उपमुख्यमंत्री शिंदे रत्नागिरीत येत आहेत.त्यांचा दौरा कार्यक्रम पुढीलप्रमाणे आहे.

शनिवार 15 फेब्रुवारी रोजी दुपारी 1.15 वाजता रेमंड हेलिपॅड, ठाणे येथे आगमन व हेलिकॉप्टरने रत्नागिरी विमानतळाकडे प्रयाण. दुपारी 2.15 वाजता रत्नागिरी विमानतळ येथे आगमन व मोटारीने चंपक मैदान, रत्नागिरीकडे प्रयाण. दुपारी 2.30 वाजता जाहिर आभार सभा (स्थळ : चंपक मैदान, रत्नागिरी) दुपारी 4 वाजता मोटारीने रत्नागिरी विमानतळाकडे प्रयाण. दुपारी 4.15 वाजता रत्नागिरी विमानतळ येथे आगमन व हेलिकॉप्टरने रेमंड हेलिपॅड,ठाणेकडे प्रयाण.