मुंबई गोवा महामार्गावर निगडे नजीक टेम्पोला अपघात सुदैवाने मनुष्यहानी नाही
खेड : मुंबई गोवा महामार्गावरील निगडे फाटा परिसरात भरधाव वेगातील मालवाहू टेम्पो पलटी होऊन अपघात झाला. सकाळी सात वाजण्याच्या सुमारास घडलेल्या या अपघातात सुदैवाने मनुष्यहानी झाली नाही मात्र गाडीतील इलेकट्रोनिक सामना आणि गाडीचे मोठ्या प्रमाणात नुकसान झाले. हा टेम्पो जागृत मोटर्स या ट्रान्सपोर्ट कंपनीच्या मालकीचा होता.
घटनास्थळावरून मिळालेल्या माहितीनुसार जागृती ट्रान्स्पोर्टच्या मालकीचा टेम्पो मुंबई येथे इलेकट्रोनिक्स वस्तू घेऊन चिपळूणकडे जायला निघाला होता. सकाळी ७ वाजण्याच्या सुमारास हा टेम्पो मुंबई गोवा महामार्गावरील निगडे गावानजीक पोहचला. या दरम्यान टेम्पोच्या टायरचे नट सैल झाल्याने टेम्पोवरील नियंत्रण सुटले आणि तो टेम्पो रस्त्यातच पलटी झाला. या जीवघेण्या अपघातातून चालक केवळ त्याचे दैव बलवत्तर म्हणून बचावला.
मुंबई गोवा महामार्गावर होणाऱ्या अपघातांमध्ये अलीकडे पुन्हा एकदा वाढ झाल्याचे पाहावयास मिळत आहे. ज्या ठिकाणी महामार्गाचे चौपाकरण झाले आहे त्या ठिकाणी वाहनच चालक भरधाव वेगाने वाहने हाकत आहेत. भरधाव वेगातील वाहनांना अचानक ब्रेक लावण्याची वेळ आली तर भरधाव वाहने रस्त्यावर पलटी होऊन अपघात होऊ लागले आहेत. काही ठिकाणी चौपदरीकरणाचे काम रखडल्याने पर्यायी मार्ग खड्ड्यात गेले आहेत. या खड्ड्यांचा अंदाज येत नसल्याने काही वाहने अपघातग्रस्त होत आहेत. या पृष्ठभूमीवर महामाग बांधकाम विभागाच्या अधिकाऱ्यांनी रस्त्यावर पडलेले खड्डे ठेकेदाराकडून बुजवून घ्याव्येत अशी मागणी होत आहे.
