रेल्वेने धडक दिल्याने वृद्धाचा मृत्यू

रत्नागिरी ः संगमेश्‍वर तालुक्यातील गोळवली येथे राहणारे शंकर महाडीक यांचा रेल्वेच्या धडकेने जागीच मृत्यू झाला. यातील शंकर महाडीक हे धामणी येथे एका दुकानात कामावर होते. दुकानाचे काम आटोपल्यावर ते घरी जाण्यासाठी निघाले. घरी जाताना त्यांना रेल्वेचा ट्रॅक क्रॉस करावा लागत असे. यावेळी मुसळधार पाऊस पडत असल्यामुळे आलेली रेल्वे महाडीक यांना कळली नसावी त्यामुळे त्यांना रेल्वेचा धक्का लागून त्याचा जागीच मृत्यू झाला. महाडीक हे घरी परतले नाहीत हे लक्षात आल्यावर त्यांचा शोधाशोध सुरू झाली. परंतु त्यांचा मृतदेह रेल्वे ट्रॅकवर आढळून आला.