कोकण टुडेच्या कोंकणातील अष्मयुगीन कातळशिल्प या मध्यवर्ती संकल्पनेवर आधारित सन 2022 दिनदर्शिकेचे उच्च तंत्रशिक्षण मंत्री उदय सामंत यांच्या हस्ते प्रकाशन
कोकण टुडेने महाराष्ट्रातील सर्वात प्राचीन कलाप्रकार कोकणातील अष्मयुगीन कातळशिल्पे पर्यटकांसमोर यावीत या हेतूने तयार केलेल्या दिनदर्शिकेचे प्रकाशन राज्याचे उच्च व तंत्रशिक्षण मंत्री उदय सामंत यांच्या हस्ते पार पडले या वेळी कोकण टुडे चे संपादक सुदेश शेट्ये कातळशिल्पाचे शोधकर्ते अभ्यासक व निसर्गयात्री संस्थेचे सुधीर ऊर्फ भाई रिसबुड ,साप्ताहिक सत्यशोधक चे संपादक नितीन लिमये कोकण टुडे चे उपसंपादक प्रणित शेट्ये व अन्य मान्यवर उपस्थित होते
उच्च तंत्रशिक्षण मंत्री उदय सामंत यांनी या दिनदर्शिकेची पाहणी करून त्याबाबत माहिती घेतली कोकण टुडे च्या या उपक्रमाचे त्यांनी कौतुक केले. यावेळी कातळशिल्पांवर संशोधन करणारे व निसर्गयात्री संस्थेचे भाई रिसबूड यांनी ना. सामंत यांना अष्मयुगीन कातळशिल्प विषयावर आधारित दिनदर्शिकेच्या मांडणी बाबत सविस्तर माहिती दिली. त्यावेळी सामंत यांनी याबाबत कातळशिल्प संरक्षण संवर्धनाबाबत आपण पुढाकार घेऊ असे आश्वासन दिले.
कोकणातील पर्यटन वाढावे या हेतूने कोकण टुडे मार्फत प्रयत्न केले जात आहेत गतवर्षी कोकणातील पर्यटन स्थळांचे ड्रोनच्या माध्यमातून घेतलेल्या छायाचित्रांची दिनदर्शिका प्रसिद्ध करण्यात आली होती. यावेळी कोकणला मोठा ठेवा लाभलेल्या अष्मयुगीन कातळशिल्प सारखा विषय जगासमोर यावा व त्यातून पर्यटन वाढावे या हेतूने ही दिनदर्शिका काढण्यात आली आहे. यामध्ये रत्नागिरी व सिंधुदुर्ग जिल्ह्यात आढळलेल्या काही कातळशिल्पांची छायाचित्रे आकर्षकरीत्या प्रसिद्ध करण्यात आली आहेत. याशिवाय दिनदर्शिकेच्या मुखपृष्ठावर या कातळशिल्पाबाबत संशोधन करून त्यांच्या विकासासाठी काम करणाऱ्या निसर्गयात्री या संस्थेच्या वतीने माहिती देणारा लेखही प्रसिद्ध करण्यात आला आहे. त्यामुळे ही दिनदर्शिका पर्यटकांना व जाणकारांना उपयोगी पडेल अशी अपेक्षा कोकणटुडेचे संपादक सुदेश शेट्ये यांनी व्यक्त केली आहे
www.konkantody.com
