रत्नागिरी नगरपरिषदेच्या वतीने दिव्यांग मुलांसाठी ‘केसरीया दांडिया २०२६’चे आयोजन

रत्नागिरी, दि. १५ ऑक्टोबर २०२६ :

दिव्यांग मुलांच्या सामाजिक, भावनिक आणि व्यक्तिमत्त्व विकासाला प्रोत्साहन देण्याच्या उद्देशाने रत्नागिरी नगरपरिषदेच्या वतीने आज, गुरुवार, दिनांक १५ ऑक्टोबर २०२६ रोजी ‘केसरीया दांडिया २०२६’ या विशेष दांडिया कार्यक्रमाचे आयोजन करण्यात आले आहे.

हा कार्यक्रम श्री बाळासाहेब ठाकरे सभागृह, साळवी स्टॉप, रत्नागिरी येथे दुपारी २ ते ३.३० या वेळेत आयोजित करण्यात आला आहे.

दिव्यांग मुलांनाही इतर मुलांप्रमाणे सांस्कृतिक कार्यक्रमांमध्ये सहभागी होता यावे, त्यांना आनंदाचे क्षण अनुभवता यावेत, त्यांचा आत्मविश्वास वाढावा आणि समाजातील सर्व घटकांशी त्यांचा स्नेहपूर्ण संवाद वाढावा, हा या उपक्रमामागील प्रमुख उद्देश आहे.

दांडियाच्या तालावर आनंद व्यक्त करताना मुलांना एकत्र येण्याची, मैत्री निर्माण करण्याची आणि स्वतःमधील कलागुण व्यक्त करण्याची संधी मिळणार आहे. या उपक्रमातून दिव्यांग मुलांच्या क्षमतांकडे सकारात्मक दृष्टिकोनातून पाहण्याचा आणि समाजामध्ये समावेशकतेची भावना रुजवण्याचा प्रयत्न करण्यात येत आहे.

यंदा या उपक्रमाचे दुसरे वर्ष असून, दिव्यांग विद्यार्थी, त्यांचे पालक, विशेष शिक्षक आणि विविध दिव्यांग संस्थांचा सहभाग या कार्यक्रमाचे महत्त्व वाढवणारा आहे. सहभागी विद्यार्थ्यांना प्रोत्साहन देण्यासाठी खास बक्षिसे आणि प्रशस्तीपत्रकांचेही आयोजन करण्यात आले आहे.

दिव्यांग मुलांच्या चेहऱ्यावर आनंद फुलवणारा आणि त्यांना समान संधी व सन्मान मिळवून देणारा हा उपक्रम रत्नागिरी शहरातील सामाजिक बांधिलकीचे एक सुंदर उदाहरण ठरेल.

या कार्यक्रमाच्या माध्यमातून दिव्यांग मुलांच्या आनंदाला, आत्मविश्वासाला आणि सामाजिक सहभागाला नवी दिशा मिळेल, असा विश्वास आयोजकांनी व्यक्त केला आहे.

संपर्क :

सौ. प्रिया अमृत गांधी
मोबाईल : ७७४४०८८१६५
मोबाईल : ९२०९२७१४१४