जिल्हास्तरीय तायक्वांदो स्पर्धेत युवा मार्शलचे पुमसेत निर्विवाद वर्चस्व

रत्नागिरी : रत्नागिरी तायक्वांदो स्पोर्ट्स असोसिएशन, रत्नागिरी यांच्या मान्यतेने संगमेश्वर तालुका तायक्वांदो अकॅडमी व नगरपंचायत देवरुख तायक्वांदो अकॅडमी यांच्या संयुक्त विद्यमाने आयोजित तीन दिवसीय जिल्हास्तरीय अजिंक्यपद तायक्वांदो क्युरोगी, नियमित पूमसे व फ्रीस्टाईल पूमसे स्पर्धेत युवा मार्शल आर्ट तायक्वांदो ट्रेनिंग सेंटर, रत्नागिरी (साळवी स्टॉप, ओम साई मित्र मंडळ सभागृह) येथील खेळाडूंनी उत्कृष्ट कामगिरी करत एकूण ६८ पदकांची कमाई केली.
ओमेगा गार्डन हॉल, देवरुख येथे नुकत्याच झालेल्या या स्पर्धेत जिल्हाभरातील सुमारे ५०० ते ६०० खेळाडू सहभागी झाले होते. युवा मार्शल आर्ट तायक्वांदो ट्रेनिंग सेंटरच्या खेळाडूंनी क्युरोगी, नियमित पूमसे व फ्रीस्टाईल पूमसे या तिन्ही प्रकारांत मिळून ४५ सुवर्ण, १५ रौप्य व ८ कांस्य अशी एकूण ६८ पदके पटकावत जिल्ह्यातील आपला दबदबा कायम राखला.
क्युरोगी प्रकारातील पदक विजेते- पी-वी (Pee Wee) गटात ओजस्वी जाधव (रौप्य), सब-ज्युनिअर गटात उमंग बाम (सुवर्ण), वेद गुरव (रौप्य), श्रीशा नांदिवले (रौप्य), कॅडेट गटात मंथन आंबेकर (सुवर्ण), आराध्या तहसीलदार (रौप्य), अद्वैत खुमठेकर (कांस्य), आराध्या गोताड (रौप्य), तर ज्युनिअर गटात भार्गवी पवार (सुवर्ण), सई सुवारे (सुवर्ण), अमेय पाटील (सुवर्ण), दिव्या गुरव (रौप्य), कौस्तुभ वालम (रौप्य) आणि वेदांत देसाई (कांस्य) यांनी पदके पटकावली.
नियमित पूमसे प्रकारातील विजेते- सब-ज्युनिअर गटात रुही कररा हिने वैयक्तिक व जोडी प्रकारात सुवर्णपदक पटकावले. कॅडेट गटात संध्या बाम (सुवर्ण), उपार्जना ककररा (रौप्य), अस्मी साळुंखे (कांस्य) तसेच जोडी व सांघिक प्रकारात सुवर्णपदके मिळाली. ज्युनिअर गटात योगराज पवार, भार्गवी पवार, सई सुवारे, ऋद्धी धुळप तसेच जोडी व सांघिक प्रकारातही खेळाडूंनी उल्लेखनीय यश मिळवले.
फ्रीस्टाईल पूमसे प्रकारातील विजेते- सब-ज्युनिअर गटात रुही कररा (सुवर्ण), देवांश गराटे (रौप्य) तसेच जोडी व सांघिक प्रकारात सुवर्णपदके मिळाली. कॅडेट गटात अस्मी साळुंखे (सुवर्ण), स्वरा कांबळे (रौप्य), स्वरा सुवारे (कांस्य), मंथन आंबेकर (रौप्य) तसेच जोडी व सांघिक प्रकारात सुवर्णपदके मिळाली. ज्युनिअर गटात ऋद्धी धुळप (सुवर्ण), सई सुवारे (रौप्य), योगराज पवार, स्वरा तेरवणकर, अमेय पाटील व इतर खेळाडूंनी जोडी व सांघिक प्रकारात उत्कृष्ट कामगिरी करत रत्नागिरी जिल्ह्याचा पूमसे प्रकारातील प्रथम क्रमांकाचा चषक पटकावला.
या संघाला शशीरेखा कररा, गुरुप्रसाद सावंत, सई सुवारे व तन्वी साळुंखे यांनी प्रशिक्षक म्हणून मार्गदर्शन केले. तसेच ऋद्धी धुळप व अमेय पाटील यांनी पूमसे प्रशिक्षक म्हणून उत्कृष्ट काम पाहिले.
या उल्लेखनीय यशाबद्दल युवा मार्शल आर्ट तायक्वांदो ट्रेनिंग सेंटर, रत्नागिरीचे पदाधिकारी, प्रशिक्षक, पालक व क्रीडाप्रेमींनी सर्व पदक विजेत्या खेळाडूंचे अभिनंदन केले. तसेच युवा मार्शल आर्ट तायक्वांदो ट्रेनिंग सेंटरचे अध्यक्ष तथा प्रमुख प्रशिक्षक राम कररा यांनी सर्व विजेत्या खेळाडूंचे अभिनंदन करून आगामी राज्यस्तरीय स्पर्धेसाठी शुभेच्छा दिल्या.