शिवकुमार कर्नाटकचे नवे मुख्यमंत्री; नव्या मंत्रिमंडळाचा बुधवारी शपथविधी!
काँग्रेस विधिमंडळ पक्षनेतेपदी प्रदेशाध्यक्ष डी. के. शिवकुमार यांची शनिवारी एकमताने निवड करण्यात आली. कर्नाटकचे मुख्यमंत्री म्हणून शिवकुमार यांचा शपथविधी ३ जून रोजी दुपारी चार वाजता लोकभवन येथे होईल. यावेळी काही मंत्रीही शपथ घेतील.
विधिमंडळ पक्षाच्या बैठकीत मावळते मुख्यमंत्री सिद्धरामय्या यांनी शिवकुमार यांचे नाव सुचविले. तर ज्येष्ठ नेते जी.परमेश्वरा यांनी अनुमोदन दिले. त्यानंतर ६४ वर्षीय शिवकुमार यांची निवड करण्यात आल्याचे काँग्रेस सरचिटणीस वेणुगोपाल यांनी जाहीर केले. निवडीनंतर शिवकुमार यांनी लोकभवन येथे राज्यपाल थावरचंद गेहलोत यांची भेट घेऊन सरकार स्थापनेचा दावा सादर केला. यावेळी सिद्धरामय्या व अन्य नेते उपस्थित होते.
