संगमेश्वर ग्रामीण रूग्णालयातील ट्रॉमा सेंटरमध्ये एक्स-रे मशिनची सुविधा बंद

संगमेश्वर ग्रामीण रूग्णालयातील एक्स-रे मशिन गेल्या दोन महिन्यांपासून बंद असल्याने रूग्णांना मोठ्या अडचणींना सामोरे जावे लागत आहे. मुंबई-गोवा राष्ट्रीय महामार्गालगत असलेले हे ग्रामीण रूग्णालय तसेच ट्रॉमा केअर सेंटर अपघातग्रस्त रूग्णांसाठी अत्यंत महत्वाचे आहे. मात्र, अत्यावश्यक असलेली एक्स-रे तपासणीची सुविधा बंद असल्याने रूग्णसेवेवर गंभीर परिणाम होत आहे.
राष्ट्रीय महामार्गावर अपघात झाल्यानंतर प्राथमिक उपचारासाठी अनेक रूग्णांना संगमेश्वर ग्रामीण रूग्णालयात दाखल केले जाते. मात्र एक्स-रे मशिन नादुरूस्त असल्याने रूग्णांना पुढील तपासणीसाठी अन्य शासकीय अथवा खाजगी रूग्णालयात पाठवावे लागत आहे. यामुळे उपचारात विलंब होत असून रूग्णांच्या नातेवाईकांना अतिरिक्त आर्थिक भुर्दंडही सहन करावा लागत आहे.
www.konkantoday.com