घाटिवळेत जिल्हास्तरीय पालखी नृत्य स्पर्धेचे आयोजन

पाली : घाटिवळे (प.वि.) मराठा संघ मुंबई आणि ग्रामस्थ यांच्या संयुक्त विद्यमाने बुधवार दिनांक ४ मार्च २०२६ रोजी रात्रौ ठिक ८ वाजता
भव्य जिल्हास्तरीय पालखी नृत्य स्पर्धेचे आयोजन करण्यात आले आहे.
स्पर्धेतील विजेत्या प्रथम क्रमांकास १५ हजार रुपये, द्वितीय क्रमांकास १३ हजार चषक, तृतीय क्रमांकास ११ हजार रुपये व प्रत्येकी चषक तसेच उर्वरित सहभागी संघाना रोख रक्कम ३ हजार रुपये आणि सन्मानचिन्ह देण्यात येईल.
या स्पर्धा घाटिवळे कदमवाडी ग्रामदेवतेची सहाण येथे होणार आहेत. सहभागी होण्यासाठी आपल्या संघांची नावनोंदणी फेब्रुवारीच्या आधी फोनद्वारे करायची आहे.
स्पर्धेचे नियम असे : पालखी नृत्य स्पर्धा आखून दिलेल्या रिंगणातच घेतली जाईल. पालखी नाचविताना पालखीचा कोणताही भाग जमिनीला टेकल्यास संघ स्पर्धेतून बाद ठरविला जाईल. पालखी नाचविताना कोणत्याही स्पर्धकाचा पाय पालखीला लागल्यास संघ स्पर्धेतून बाद ठरविला जाईल. स्पर्धेची एकूण वेळ २५ मिनिटे असेल (देखाव्यासाठी ५ मिनिटे, पालखी नृत्यासाठी २० मिनिटे.) स्पर्धकांनी पालखीला स्पर्श केल्यानंतर पालखी नृत्याची वेळ चालू होईल. देखावा हा पौराणिक, ऐतिहासिक किंवा सामाजिक प्रबोधनात्मक असावा. पालखी नृत्य स्पर्धक संख्या २१ किंवा २२ असेल (आयोजकांच्या सांगण्याप्रमाणे) प्रत्येक संघाने वेळेच्या अर्धा तास अगोदर हजर रहावे. पंचाचा निर्णय अंतिम राहील. स्पर्धेत आयत्यावेळी योग्यते काही बदल करण्याचा अधिकार आयोजकांकडे राहील.
अधिक माहितीसाठी अमित सक्रे (९२८४४९०८३६) यांच्याशी संपर्क साधावयाचा आहे.