आमदार शेखर निकम यांचा वाढदिवस न साजरा करण्याचा निर्णय

चिपळूण : राज्याचे उपमुख्यमंत्री तथा राष्ट्रवादी काँग्रेस पार्टीचे राष्ट्रीय अध्यक्ष अजित पवार यांच्या अपघाती निधनाने संपूर्ण महाराष्ट्र शोकसागरात बुडाला असून, त्यांच्या जाण्याने राज्याच्या राजकीय, सामाजिक व विकासाच्या क्षेत्रात मोठी पोकळी निर्माण झाल्याची भावना आमदार शेखर गोविंदराव निकम यांनी व्यक्त केली आहे. येत्या १ मार्च रोजी आमदार शेखर निकम यांचा वाढदिवस असून, या पार्श्वभूमीवर त्यांनी यंदा वाढदिवस साजरा न करण्याचा निर्णय घेतला आहे. या दिवशी कोणताही सत्कार, शुभेच्छा स्वीकारणे अथवा कार्यक्रम आयोजित करणे आपल्या मनाला मान्य नसल्याचे त्यांनी स्पष्ट केले आहे. अजितदादांच्या स्मृतीप्रती आदर व्यक्त करत, आमदार निकम यांनी कोणतेही बॅनर, पोस्टर, जाहिरात किंवा सार्वजनिक कार्यक्रम आयोजित करू नयेत. त्याऐवजी त्या दिवशी अजितदादांच्या स्मृतींना अभिवादन करून समाजहिताचे एखादे विधायक कार्य करावे, अशी अपेक्षा त्यांनी व्यक्त केली आहे.
या आवाहनामुळे राजकीय व सामाजिक वर्तुळात संवेदनशीलता आणि संयमाचा संदेश गेल्याचे चित्र असून, अनेकांनी आमदार निकम यांच्या या निर्णयाचे स्वागत केले आहे.