महाराष्ट्रामध्ये थंडीची लाट तीव्र नाशिकच्या निफाडमध्ये तापमान ५ अंश सेल्सिअसपर्यंत खाली

महाराष्ट्रामध्ये थंडीची लाट तीव्र झाली असून, नाशिकच्या निफाडमध्ये तापमान ५ अंश सेल्सिअसपर्यंत खाली आले आहे. उत्तर महाराष्ट्र, मराठवाडा, आणि विदर्भात गारठा वाढला असून, मुंबई आणि कोकणातही थंडीचा प्रभाव जाणवत आहे.सोमवार, 23 डिसेंबर रोजीही राज्यातील सर्वच भागांत तापमानाचा पारा घसरलेला राहणार आहे. सकाळी धुके, थंड वारे आणि रात्री कडाक्याची थंडी असा हवामानाचा अनुभव नागरिकांना येण्याची शक्यता आहे.मुंबईत आता हळूहळू थंडीची चाहूल लागली आहे.

कमाल तापमान : 32 अंश सेल्सिअस

किमान तापमान : 14 अंश सेल्सिअस

दिवसभर हलकं धुके राहण्याची शक्यता असून कोकणातील इतर भागांतही अशीच स्थिती राहील, असा अंदाज हवामान खात्याने वर्तवला आहे.पुणे आणि परिसरात थंडीचा जोर कायम आहे.

पुणे : कमाल 29°C | किमान 10°C

सकाळी धुके आणि दिवसभर अंशतः ढगाळ आकाश राहण्याची शक्यता आहे. इतर शहरांतही तापमान घटल्याने नागरिकांना थंडीचा चांगलाच सामना करावा लागत आहे.