रत्नागिरी शहर परिसरात अनेक ठिकाणी बिबट्याचा वावर ,रत्नागिरी पोलिसांचे सावधानता बाळगण्याचे नागरिकांना आवाहन
रत्नागिरी शहरात दिनांक 19 डिसेंबर रोजी रात्री साडेआठ वाजता चे सुमारास नगरपरिषद वसाहत विश्वनगर रत्नागिरी येथे अमोल सावंत यांच्या आंब्याचे बागेत एका बिबट्याने एका बैलावर हल्ला केल्याची घटना घडली आहे. तरी थिबा पॅलेस, विश्वनगर, आंबेशेत परिसरातील सर्व नागरिकांनी सतर्क राहावे व मॉर्निंग वॉक साठी एकटे दुकटे जाऊ नये. असे आवाहन रत्नागिरी शहर पोलीस ठाण्यातर्फे करण्यात येत आहे.सर्व नागरिकांना पोलिसांकडून आवाहन
बिबट्या हा वन्य प्राणी आहे आणि तो सामान्यतः माणसांना टाळतो. पण काही वेळा अन्नाच्या शोधात किंवा घाबरून तो मानवी वस्तीत येतो. अशा वेळी आपण सर्वांनी एकत्रितपणे काही सोप्या पण महत्त्वाच्या गोष्टी लक्षात ठेवल्या तर आपण स्वतः आणि आपल्या कुटुंबाला सुरक्षित ठेवू शकतो.
रात्री घराबाहेर छोट्या मुलांना एकटे सोडू नका
विशेषतः ६-७ वाजल्यानंतर लहान मुलांना एकटे खेळायला किंवा फिरायला पाठवू नका.
कचरा आणि अन्नाचे तुकडे घराबाहेर ठेवू नका
कुत्र्याचे अन्न, कोंबडीचे अंडी/मांस, मासे, उरलेले अन्न इत्यादी उघड्यावर ठेवू नका.
यामुळे बिबट्याला आकर्षण होऊ शकते.
कुत्र्यांना रात्री बांधून ठेवा
रात्री कुत्र्यांना घराबाहेर मोकळे सोडू नका. बिबट्या प्रथम कुत्र्यांनाच हल्ला करतो.
घराच्या अंगणात किंवा बाल्कनीत पिल्लू/कोंबड्या ठेवताना सावध रहा
रात्रीच्या वेळी त्यांना आत घ्या किंवा मजबूत जाळी लावलेली पिंजरा वापरा.
बिबट्या दिसल्यास घाबरू नका, पण जवळ जाऊ नका
शांतपणे मागे सरका
डोळ्यात डोळे घालू नका
हात वर करून मोठा दिसण्याचा प्रयत्न करा
हळूहळू मागे फिरून सुरक्षित ठिकाणी जा
बिबट्याने हल्ला केल्यास १००/112 (पोलिस) वर फोन करा
सर्वात महत्त्वाचे:
बिबट्याला मारण्याचा प्रयत्न करू नका. तो घाबरला तर अधिक धोकादायक होऊ शकतो. वन विभागाला बोलावणे हाच सर्वात सुरक्षित मार्ग आहे.
सुरक्षित राहा, एकमेकांना सावध करा. असे आवाहन पोलिसांनी केले आहे
