चिथावणीखोर वक्तव्यप्रकरणी भास्कर जाधव यांची कुडाळ दिवाणी न्यायालयाने केली निर्दोष मुक्तता

शिवसेना ठाकरे गट व भारतीय जनता पक्ष यांच्यात तणाव निर्माण होईल. तसेच माजी केंद्रीय मंत्री व खासदार नारायण राणे यांच्याविरोधात बदनामीकारक, प्रक्षोभक आणि चिथावणीखोर वक्तव्ये केल्याप्रकरणी दाखल गुन्ह्यात आमदार भास्कर जाधव यांची कुडाळ दिवाणी न्यायालयाने निर्दोष मुक्तता केली. १८ ऑक्टोबर २०२२ रोजी सकाळी ११ ते दुपारी २ या वेळेत शिवसेना ठाकरे गटासह महाविकास आघाडीच्या घटक पक्षांनी कुडाळ-मालवण मतदारसंघाचे तत्कालीन आमदार वैभव नाईक यांच्याविरोधात लाचलुचपत प्रतिबंधक विभागाकडून केलेल्या कथित चुकीच्या चौकशीच्या निषेधार्थ मोर्चाचे आयोजन केले होते. त्यानंतर कुडाळ येथील महिला व बाल रुग्णालयासमोर आयोजित सभेमध्ये गुहागरचे आमदार भास्कर जाधव यांनी भारतीय जनता पक्षाचे नेत व माजी मंत्री नारायण राणे यांच्याविषयी बदनामीकारक तसेच दोन पक्षांमध्ये दंगि घडवून आणण्याच्या उद्देशाने चिथावणीखोर वक्तव्ये केल्याची तक्रार तुकाराम साइल यांनी कुडाळ पोलीसात दाखल केली होती.www.konkantoday.com