बंगालच्या उपसागरात उद्भवलेले दिटवाह चक्रीवादळ भारतीय किनाऱ्यावर धडकणार

बंगालच्या उपसागरात उद्भवलेले दिटवाह चक्रीवादळ भारतीय किनाऱ्यावर धडकणार आहे.त्याचा परिणाम २४ तासांपूर्वीच सुरू झाला आहे. तामिळनाडूच्या बऱ्याच भागात मुसळधार पाऊस सुरू आहे. सकाळी ६ वाजता ते चेन्नईपासून सुमारे ३९० किलोमीटर अंतरावर होते, तर पुद्दुचेरी किनाऱ्यापासून त्याचे अंतर सुमारे २९० किलोमीटर होते.हवामान खात्याच्या माहितीनुसार,हे चक्रीवादळ श्रीलंकेपासून वायव्येकडे ताशी ८ किलोमीटर वेगाने सरकत आहे.
चक्रीवादळाच्या पार्श्वभूमीवर हवामान खात्याने तामिळनाडू, केरळ, आंध्र प्रदेश, तेलंगणा आणि कर्नाटकमध्ये पावसाचा इशारा जारी केला आहे. तामिळनाडूमध्ये मुसळधार पाऊस पडत आहे. हवामान खात्याने संपूर्ण राज्यात मुसळधार पावसाचा इशारा जारी केला आहे. संध्याकाळी सुरू झालेल्या पावसाने रात्री उशिरा तीव्रता दाखवली आणि अनेक भागात पाणी साचले. त्यानंतर, स्थानिक प्रशासनाने मदतकार्य सुरु केले आहे.