गुहागर विजापूर राष्ट्रीय महामार्गावरील कुंभार्ली घाट झाला खड्ड्यांचा महामार्ग वाहनचालक त्रस्त, प्रवास धोकादायक

गुहागर विजापूर राष्ट्रीय महामार्गावरील कुंभार्ली घाटमार्गाची स्थिती दिवसेंदिवस बिकट होत असून रस्त्यावरील खोल खड़े वाहनचालकांसाठी मोठे संकट बनले अहित. अवजड वाहतुकीची वाढती गर्दी आणि रस्त्यावरील मोठ्या प्रमाणातील वाहने त्यातच रस्त्याची दयनीय अवस्था यामूळे दर आठवड्याला एखाद्या ना एखाद्या वाहनाचा अपघात होत असूनही सार्वजनिक बांधकाम विभागाने अद्याप कोणतीही ठोस दुरुस्तीची कार्यवाही केली नाही.
कुंभार्ली घाट हा रत्नागिरी जिल्ह्यासाठी जीवनावश्यक वस्तूंचा महत्त्वाचा मार्ग आहे. कर्नाटक, बेळगाव, पश्चिम महाराष्ट्र, विदर्भ आणि कोकण या भागात होणार्‍या एस्.टी. वाहतुकीसाठीही हा घाट मुख्य मार्ग म्हणून ओळखला जातो. अनेक शासकीय कर्मचारी, अधिकारी तसेच उद्योग वसाहतीतील उत्पादनांची वाहतूक नियमितपणे याच घाटातून होते. दरम्यान, आंबाघाटातील काम सुरू असल्याने मागील वर्षभरापासून सर्वच प्रकारची अवजड वाहने कुंभार्ली घाटावरून वळवण्यात आली आहेत. या वाढलेल्या ताणामुळे आणि पावसाळ्यात न झालेल्या दुरुस्तींमुळे रस्त्यावर मोठमोठे खड्डे निर्माण झाले आहेत. चार महिन्यांच्या पावसात वाहनचालकांना अक्षरशः कसरत करावी लागत होती, मात्र पाऊस ओसरूनही दुरुस्तीची कामे सुरू न झाल्याने नागरिकांसह वाहनधारकांमध्ये तीव्र नाराजी सोबतच असंतोष देखिल वाढत आहे.www.konkantoday.com