स्वरा साखळकर हिची राज्यस्तरीय तायक्वांदो स्पर्धेमध्ये दुहेरी कामगिरी
रत्नागिरी : तायक्वांदो असोसिएशन ऑफ महाराष्ट्रच्या मान्यतेने आणि अहिल्यानगर तायक्वांदो असोसिएशनच्या सहकार्याने आयोजित केलेल्या आठव्या क्यूरोगी व पाचव्या पुमसे राज्यस्तरीय कॅडेट तायक्वांदो स्पर्धा १३ ते १५ नोव्हेंबर दरम्यान साई सिल्वर लोन शिर्डी अहिल्यानगर येथे पार पडल्या
या स्पर्धेमध्ये रत्नागिरीतील एसआरके तायक्वांदो क्लबच्या स्वरा विकास साखळकर हिने सहभाग घेत रत्नागिरी जिल्ह्याचे प्रतिनिधित्व केले. यात तिने इंडिव्हिज्युअल फ्रीस्टाइल पुमसे व ३७ किलो वजनाखालील गटांमध्ये सुवर्णपदक पटकावत २१ ते २३ नोव्हेंबर दरम्यान जलंदर (पंजाब) येथे होणाऱ्या राष्ट्रीय स्पर्धेसाठी तिने महाराष्ट्र संघामध्ये आपले स्थान निश्चित केले आहे.
स्वराला राष्ट्रीय प्रशिक्षक व पंच शाहरुख शेख यांचे मोलाचे मार्गदर्शन लाभत आहे. या यशाबद्दल आणि पुढील वाटचालीसाठी तायक्वांदो असोसिएशन ऑफ महाराष्ट्रचे अध्यक्ष डॉ. अविनाश बारगजे, महासचिव मिलिंद पठारे, खजिनदार व्यंकटेश्वर कररा, सचिव सुभाष पाटील, उपाध्यक्ष व शिवछत्रपती पुरस्कार विजेते प्रवीण बोरसे, धुलीछंद मेश्राम, सदस्य अजित गार्गे, नीरज बोरसे, सतीश खेमसकर यांच्यासह जिल्हा उपाध्यक्ष शैलेश गायकवाड, विश्वदास लोखंडे, सचिव लक्ष्मण कररा, कोषाध्यक्ष शशांक घडशी, क्रीडा मार्गदर्शक पुरस्कार प्राप्त तायक्वांदो प्रशिक्षक प्रशांत मकवाना, मिलिंद भागवत यांनी शुभेच्छा दिल्या आहेत.
त्याचबरोबर एसआरके क्लबचे अध्यक्ष अमोल सावंत, उपाध्यक्ष वीरेश मयेकर, सचिव शीतल खामकर, कोषाध्यक्ष अंजली सावंत, सदस्य निखिल सावंत, प्रफुल्ल हतिसकर आणि पालक वर्ग यांनीही खेळाडूंचे अभिनंदन करत त्यांना प्रोत्साहन दिले आहे.
