जिजाऊ शैक्षणिक आणि सामाजिक संस्था विविध उपक्रम जनजागृतीपर सभा आवरे येथे उत्साहात…
गुहागर तालुक्यातील पडवे जिल्हा परिषद गटातील आवरे गावात जिजाऊ शैक्षणिक व सामाजिक संस्था महाराष्ट्र रत्नागिरी विभाग गुहागर या संस्थेच्या माध्यमातून आवरे गावातील ग्रामस्थांना संस्थेच्या श्री. भगवान महादेव सांबरे हॉस्पिटल, पोलीस अकॅडमी, शिलाई मशीन क्लासेस, मेहंदी क्लासेस तसेच कॉम्प्युटर क्लासेस अशा विविध उपक्रमाबाबत जनजागृती करण्यासाठी सविस्तर माहिती दिली.
यावेळी आवरे गावातील ग्रामस्थांना संस्थेचे सर्व उपक्रम खूप आवडले व गावातील ग्रामस्थांनी सांगितले की आम्ही आपल्या संस्थेच्या माध्यमातून जे काही उपक्रम आपल्या तालुक्यात राबवले जातील त्या उपक्रमात आम्ही सहभाग घेऊ. आवरे गावातील ग्रामस्थांनी संस्थेचे संस्थापक नीलेश भगवान सांबरे यांचे मनभरून कौतुक ही केले. सांबरे यांना आणि संस्थेला पुढील वाटचालीस शुभेच्छा दिल्या.
या सभेला आवरे गावचे सरपंच प्रकाश केशव काताळकर, माजी सरपंच सौ. वनीता घाणेकर, गावचे सदस्य शालिनी शीतप, संदेश भरणकर यांच्यासह ग्रामस्थ बहुसंख्येने उपस्थित होते. यावेळी जिजाऊ सदस्य विशाल गोताड यांच्या माध्यमातून आवरे गावातील गाव सभेचे आयोजन करण्यात आले होते.
यासाठी जिजाऊ सदस्य अनंत डिंगणकर, सूचित मालप, ओमकार तिवरेकर उपस्थित होते. विशाल गोताड यांनी उपस्थित सर्वांचे आभार मानले आणि सभेची सांगता करण्यात आली.
