मेर्वी येथील भगवती देवीचा नवरात्रोत्सव प्रारंभ
गावखडी : हजारो भाविकांचे श्रद्धास्थान असणारे रत्नागिरी तालुक्यातील मेर्वी भूतेवाडीतील येथील जागृत देवस्थान श्री भगवती देवीच्या नवरात्रोत्सवास २२ सप्टेंबरपासून भक्तिमय वातावरणात प्रारंभ झाला आहे.
या उत्सवानिमित्त २२ सप्टेंबर सकाळी ९ वाजता देवीचे मुखवटे लावले. सकाळी ११ वाजता घटस्थापना करण्यात आली आहे. रात्री ७.३० वाजता देवीची आरती, तर रात्री १० वाजता ग्रामस्थांचे भजन सादर करण्यात आले. १ ऑक्टोबर रोजी बलिदान दिवशी दुपारी १२ वाजता देवीची आरती, प्रसादाचे वाटप केले जाईल. त्यानंतर रात्री ८ वाजता भगवती देवीचा गोंधळ आदी कार्यक्रम होईल. २ ऑक्टोबर रोजी दसऱ्याच्या दिवशी तोरणे बांधण्यात येणार असून देवीची पूजा, आरती सायंकाळी ४ वाजता सोने लुटणे त्यानंतर कार्यक्रमाची सांगता होईल.
या सर्व कार्यक्रमांना सर्व भाविकांनी उपस्थित राहून भगवती देवीच्या दर्शनाचा लाभ घ्यावा, असे आवाहन मेर्वी भगवती देवी ग्रामस्थ मंडळाच्या वतीने करण्यात आले आहे. मेर्वी भूतेवाडी येथील श्री भगवती देवी जागृत देवस्थान असून नवसाला पावणारी असल्याने भाविकांची दर्शनासाठी रिघ लागली आहे.
