कोकण रेल्वे मार्गावर दीपावलीसाठी धावणार एलटीटी-सावंतवाडी स्पेशल

दीपावली सुट्टीच्या हंगामात कोकण रेल्वे गाड्यांना होणारी प्रवाशांची अतिरिक्त गर्दी कमी करण्यासाठी १७ ऑक्टोबर ते ७ नोव्हेंबर या कालावधीत एलटीटी-सावंतवाडी साप्ताहिक स्पेशल धावणार आहे. या स्पेशलचे आरक्षणही खुले झाल्याने कोकणवासियांना दिलासा मिळाला आहे. ०११७९/०११८० क्रमांकाची एलटीटी-सावंतवाडी साप्ताहिक स्पेशल दर शुक्रवारी धावेल. एलटीटीहून सकाळी ८.२० वाजता सुटून त्याच दिवशी रात्री ९ वाजता सावंतवाडीला पोहोचेल. परतीच्या प्रवासात सावंतवाडी येथून रात्रौ १०.२० वाजता सुटून दुसर्‍या दिवशी सकाळी १०.४० वाजता एलटीटीला पोहोचेल. २२ एलएचबी डब्यांची स्पेशल ठाणे, पनवेल, पेण, रोहा, माणगांव, वीर, खेड, चिपळूण, सावर्डे, आरवली, संगमेश्‍वर, रत्नागिरी, आडवली, विलवडे, राजापूर, वैभववाडी, नांदगाव रोड, कणकवली, सिंधुदुर्ग, कुडाळ स्थानकात थांबेल.
www.konkantoday.com