कोळवली हायस्कूलचे आर्यन मते आणि साहिल माटल यांचे सुयश

रत्नागिरी जिल्हा क्रीडा कार्यालयाच्या वतीने गुहागर तालुक्यातील देवघर येथील क्रीडा संकुलामध्ये शैक्षणिक वर्ष २०२५ -२६ मध्ये घेण्यात आलेल्या पावसाळी शालेय क्रीडा स्पर्धेत ज्ञान प्रसारक शिक्षण संस्था संचलित, माध्यमिक विद्यालय पंचक्रोशी कोळवली विद्यालयाच्या आर्यन विलास मते या विद्यार्थ्याने १४ वर्षांखालील २०० मीटर धावणे या क्रीडा प्रकारामध्ये तालुक्यात तृतीय क्रमांक मिळवला. तसेच साहिल अनिल माटल या विद्यार्थ्याने ४०० मीटर धावणे या क्रीडा प्रकारामध्ये तालुक्यात द्वितीय क्रमांक मिळवला.
ज्ञान प्रसारक शिक्षण संस्थेचे अध्यक्ष शांताराम वाघे, उपाध्यक्ष रामचंद्र मोरे, सचिव नारायण मोहिते, खजिनदार वासुदेव डिंगकर, शंकर जोशी तसेच संस्थेच्या सर्व पदाधिकाऱ्यांनी व मुख्याध्यापक विजय पिसाळ यांनी यशस्वी खेळाडू आणि मार्गदर्शक शिक्षक बाळासाहेब लवटे, कर्मचारी विकास कदम या सर्वांचे अभिनंदन करून जिल्हा स्पर्धेसाठी शुभेच्छा दिल्या. दरम्यान, या विद्यार्थ्यांनी मिळविलेल्या यशाबद्दल त्यांचे सर्व स्तरातून अभिनंदन होत आहे.