विभागीय स्तरावरील डाक अदालत 25 सप्टेंबरला
रत्नागिरी, दि.17 ) : अधिक्षक डाकघर, विभागीय कार्यालय, रत्नागिरी द्वारा दि. 25 सप्टेंबर रोजी दुपारी 3 वाजता अधीक्षक डाकघर, रत्नागिरी यांचे कार्यालय, गोगटे जोगळेकर कॉलेज शेजारी, रत्नागिरी ४१५६१२ येथे विभागीय स्तरावरील डाक अदालत आयोजित केली असल्याचे असे डाकघर अधीक्षक, रत्नागिरी यांनी कळविले आहे.
पोस्टाच्या कामासंबंधीच्या ज्या तक्रारींचे निराकरण झाले नसेल व समाधानकारक उत्तर मिळाले नसेल
अशा तक्रारींची डाक अदालतमध्ये दखल घेतली जाईल. विशेषतः टपाल, स्पीड पोस्ट, काऊंटर सेवा, डाक
वस्तु, पार्सल, बचत बँक व मनीऑर्डर बाबतच्या तक्रारी विचारात घेतल्या जातील. एका व्यक्तीने एकच तक्रार
अर्ज करावा, तक्रारीचा उल्लेख सर्व तपशीलासह केलेला असावा. डाक सेवेबाबतची आपली तक्रार अधीक्षक डाकघर, विभागीय कार्यालय, रत्नागिरी ४१५६१२ यांच्या नावे दि 22 सप्टेंबर पर्यंत अथवा तत्पूर्वी पोहोचेल अशा बेताने पाठवावी. त्यानंतर आलेल्या तक्रारींचा विचार केला जाणार नाही.
000
