मुंबईहून गणपतीपुळे येथे देवदर्शनासाठी आलेल्या एका तरुण-तरुणीच्या दुचाकीचा गणपतीपुळे रस्त्यावर दुचाकी स्लिप होऊन अपघात; तरुण-तरुणी जखमी
मुंबईहून गणपतीपुळे येथे देवदर्शनासाठी आलेल्या एका तरुण-तरुणीच्या दुचाकीचा गणपतीपुळे रस्त्यावरील एका हॉटेलसमोर अपघात झाला. दुचाकीवरील ताबा सुटल्याने हा अपघात झाल्याचे सांगण्यात येत असून, यात दोघेही किरकोळ जखमी झाले आहेत. उपचारांसाठी त्यांना जिल्हा शासकीय रुग्णालयात दाखल करण्यात आले आहे.
ही घटना शुक्रवार, १२ सप्टेंबर रोजी दुपारी ३.३० वाजताच्या सुमारास गणपतीपुळे येथील अभिषेक हॉटेल समोरील रस्त्यावर घडली. या अपघातात जखमी झालेल्यांची नावे नितेश सुरेंद्र शिर्के (वय २७) आणि संध्या अर्जुन आखाडे (वय २७, दोघेही रा. मुंबई) अशी आहेत.
, हे दोघे तरुण-तरुणी गणपतीपुळे येथे देवदर्शनासाठी आले होते. त्यांच्या दुचाकीचा गणपतीपुळे रस्त्यावर अचानक ताबा सुटला आणि ती स्लिप झाली. यामुळे झालेल्या अपघातात दोघेही किरकोळ जखमी झाले.
