चिपळूण येथे उद्या रिपब्लिकन (आठवले) पक्षाच्या जिल्हा बैठकीचे आयोजन

रिपब्लिकन पार्टी ऑफ इंडिया (आठवले) पक्षाची रत्नागिरी जिल्ह्याची महत्त्वपूर्ण बैठक उद्या (३० ऑगस्ट) चिपळूण येथील डॉ. बाबासाहेब आंबेडकर स्मारक सभागृह येथे सकाळी ११ वाजता जिल्हाध्यक्ष प्रीतम रुके यांच्या अध्यक्षतेखाली आयोजित करण्यात आली असून या बैठकीला दलित मित्र पुरस्कार प्राप्त आणि राज्य कार्यकारिणी सदस्य दादासाहेब मर्चंडे, सरचिटणीस आदेशभाऊ मर्चंडे यांची प्रमुख उपस्थिती असणार आहे.
रिपब्लिकन पार्टी ऑफ इंडिया (आठवले) या पक्षाची नवीन पक्ष सदस्यांची नोंदणी करणे, पक्ष सदस्य व पदाधिकारी यांची नोंदणी नूतनीकरण करणे, ३ ऑक्टोबर रोजी रिपब्लिकन पार्टी ऑफ इंडिया (आठवले) पक्षाच्या महाड येथे होणाऱ्या वर्धापन दिन महोत्सव कार्यक्रमाचे नियोजन करणे, जिल्हा परिषद, पंचायत समिती व नगरपालिका आणि स्थानिक स्वराज्य संस्था निवडणुकीबाबत तालुकानिहाय आढावा घेण्यात येणार आहे.
या बैठकीला रत्नागिरी जिल्ह्यातील जिल्हा आणि तालुका पदाधिकारी यांनी वेळेत उपस्थित राहावे, असे आवाहन रिपब्लिकन पार्टी ऑफ इंडिया आठवले या पक्षाचे जिल्हाध्यक्ष प्रीतम रुके, सरचिटणीस आदेशभाऊ मर्चंडे यांनी प्रसिद्धी पत्रकाद्वारे केले आहे.